Kurs for elevarrangørar i DKS

Kurset kan gjennomførast som grunnopplæring for nye elevarrangørar, men det eignar seg òg som repetisjon av, eller som eit supplement til, eksisterande elevvert- eller elevarrangørkurs i regi av DKS-administrasjonar i fylke og kommunar.

Det er tilrettelagt for at kulturkontaktar og lærarar kan gjennomføre kurset som ein del av den interne opplæringa si. Kurset er utvikla og produsert av DKS Trøndelag.

Målgruppe er 5.-10. trinn.

Kursinnhald

Kurset består av av filmane Elevarrangørene og HOW TO.  Begge filmane er inndelte i episodar etter tema, og har ei lengd på 3-8 minutt. Kurset består i tillegg av verktøyarket HOW TO bli en god elevarrangør som blir brukt saman med HOW TO-filmane. I verktøyarket blir den viktigaste informasjonen samanfatta frå kvar episode og kvart tema i filmane. Det inneheld òg tips, råd og tilrådingar for elevarrangørjobben i tillegg til teoretiske og praktiske elevoppgåver. Oppgåvene eignar seg godt for forankring av rolla til elevarrangørane på eigen skule.

Nedst på sidan finn du forslag for gjennomføring av kurset.

Alle videoane ligg òg samla i ei speleliste på Vimeo.

Elevarrangørene

I filmen følgjer vi artisten Tora på DKS-besøk til Charlottenlund ungdomsskule i Trondheim. Gjennom fire epiosoder får vi eit innblikk i ein utøvars arbeidsdag og kva oppgåver elevarrangørane til skulen har i løpet av framsyningsdagen. I tillegg inneheld filmen kommentarar og supplerande informasjon frå ein lærar, ein fagkoordinator i DKS og ein sceneteknikar. Elevarrangørene kan sjåast som ein samanhengande film, eller som fire episodar.

HOW TO-filmar

HOW TO består av fem rettleiingsfilmar som er produserte i tidsriktig «YouTube-format». Her møter vi Youtuber og teaterstudent Ole Henry Snildalsli som med høgt tempo og mykje humor guidar elevane gjennom førebuingar, koking av kaffi, vertskap, publikumshandtering og DKS-omgrep.

Det blir tilrådd å sjå filmane i rett rekkjefølgje og setje av god tid til arbeid med verktøyarket i etterkant.

HOW TO-verktøyark

Verktøyarket HOW TO bli ein god elevarrangør inneheld informasjon, råd og tips for korleis å bli ein god elevarrangør for Den kulturelle skolesekken. Verktøyarket skal brukast saman med HOW TO-filmane. Kvart kapittel blir avslutta med teoretiske og praktiske elevoppgåver som eignar seg godt for forankring av rolla til elevarrangørane på eigen skule.

• Last ned verktøyark på bokmål (PDF / 0,9 MB)
• Last ned verktøyark på nynorsk (PDF / 0,9 MB)

Bruk av materiellet

Kurset kan gjennomførast av både lærarar, kulturkontaktar og administrativt personell i DKS. Materiellet kan nyttast som eit fullverdig kurs, som eit supplement til allereie eksisterande opplæring, eller som ein repetisjon og oppfrisking for elevar som allereie har ei rolle som elevvert eller elevarrangør.

Ulike forslag for gjennomføring:

1. Vis dei fire episodane av Elevarrangørene som ein samanhengande film. Ei slik visning eignar seg som ein introduksjon til rolla som elevarrangør for elevar på ungdomstrinnet. Eksempelvis kan filmen visast for alle elevar dersom skulen opererer med søknader for å bli elevarrangør.
2. Vis Elevarrangørene episode for episode som ein del av opplæringa for nye elevarrangørar. Legg til rette for refleksjon, samtalar og oppgåveløysing mellom kvar episode. Ta gjerne utgangspunkt i oppgåvene frå verktøyarket HOW TO bli ein god elevarrangør.
3. Vis HOW TO-filmane episode for episode. Jobb med verktøyarket HOW TO bli ein god elevarrangør etter kvar episode. Kvar episode, inkludert oppgåveløysing, tek ca 45 minutt å gjennomføre. Ved å velje vekk oppgåver som ikkje er relevant for skulen eller elevgruppa, er det mogleg å gå gjennom to tema per økt.
4. Vis episodar frå Elevarrangørene og HOW TO vekselsvis.Dette kan gjerast som eit supplement til, eller ein repetisjon av, kunnskap elevane allereie rår over. Sett av tid til samtale og oppsummering ved behov.