Desse mottar midlar frå tilskotsordninga «Inkludering i kulturliv»
65 prosjekt får tildelt midlar på til saman 13 millionar kroner.
– Arbeidarparti-regjeringa vil at alle barn og unge skal ha moglegheit til å delta i kulturaktivitetar, uavhengig av kvar dei kjem frå og kor stor lommeboka er. Midlane som blir delte ut gjennom denne ordninga, bidreg til dette, seier kultur- og likestillingsminister Lubna Jaffery.
Tilskotsordninga «Inkludering i kulturliv» skal fremje kulturaktivitetar som skaper møteplassar på tvers av bakgrunnar og/eller gir nye tilbod til barn og unge som har begrensa tilgang til organiserte fritidsaktivitetar.
Målet er å sikre at alle kan delta, uavhengig av kjønn, etnisitet, funksjonsevne, sosial og økonomisk status eller bustad.
I 2026 er tilskotsordninga på 13 millionar kroner. Totalt får 65 prosjekt tildelte midlar. Av desse har 25 fått fleirårig støtte.
I denne runden er det fire nye fleirårige tilskotsmottakarar: Snakk for deg sjøl AS, Kultur- og teaterverkstaden Fyret, Diversify og Norsk Forbund for Utviklingshemmede.
– Blant dei innvilga prosjekta er det estimert at over 1000 barn og unge vil vere involverte i planlegginga av prosjekta, over 12 000 vil vere deltakarar, og rundt 30 000 vil vere publikum. Det er godt å sjå at tilskotsordninga forsterkar arbeidet med å inkludere fleire, seier direktør i Kulturtanken, Matias Hilmar Iversen.
Oversikt over dei 65 prosjekta som er tildelt midlar (PDF)
Fakta
- Ordninga er ein del av regjeringa sitt arbeid for å gi fleire barn og unge auka tilgang til fritidsaktivitetar i det frivillige kulturlivet.
- Kultur- og likestillingsdepartementet har gitt Kulturtanken i oppdrag å forvalte ordninga.
- I 2026 kom det inn 209 søknader.
- Dei innvilga søknadene er vurderte basert på kvaliteten i søknadene, og omsyn til geografisk spreiing og variasjon i kulturuttrykk og målgrupper.
- Innstillinga speglar fordelinga i det totale søknadstilfanget innanfor desse kategoriane, samstundes som det er gjort justeringar for å jamne ut skilnader der det har vore mogleg.
- Sidan 2020 har 296 prosjekt fått midlar frå ordninga.Les om tilskotsordninga og alle prosjekta som har fått støtte.
Vil du holde deg oppdatert om Kulturtankens søkbare midler?
